2017.08.13 J League第22輪︰橫濱水手對鳥栖砂岩

大家好。係鳥栖版主8月既旅程中,連續睇左兩場鳥栖係關東既作客賽事,今次帶比大家既係當中既第二場,作客到橫濱水手既比賽。想睇返第一場既話可以禁下面條link。

2017.08.09 J League第21輪︰柏雷素爾對鳥栖砂岩

成日提住大家記得早d去到球場,去霸返個靚位同埋睇埋球員熱身。不過鳥栖版主今次都犯左一個大錯,不單止冇早到,仲要遲到,開左波差唔多成10分鐘先入場。

今次橫濱水手唔係日產球場踢,係細場「ニッパツ三ツ沢球技場」,簡稱三澤球場舉行。三澤球場同日產球場比就有d唔方便,要轉地鐵坐多兩個站去三ツ沢上町落車再行15分鐘先到。

由地鐵站前往三澤球場比較少指示牌,建議大家早d跟住日本球迷入球場會比較容易,否則就要好似鳥栖版主一路開住google map同一路睇住僅有既指示牌前往球場。

 

然後當場波開始左10分鐘時,我衝到去球場,搵到作客區入口後,我就見到鳥栖即刻比橫濱攻入左一球…

 

真係個人都即刻沉左一沉,然後都快快手搵位打氣算。
最後橫濱水手就係靠早段呢一球主場撃敗左鳥栖砂岩。
唔單止球員,完場後我都臉如死灰…

 

 

賽後小林佑三都有返去致謝橫濱水手既球迷。(原諒版主手機影相影對面海真係影唔到…小林係右邊門柱度)

 

由於遲入場既關係,成場波都比平時更加投入去打氣,所以今次都無咩點影相。致謝後全部球員返哂去更衣室既時候,門將權田修一自己走出黎係場邊慢跑,可能佢都怪責自己點解失波啦..

 

最後再次奉勸大家一句,睇波最好預鬆少少,早一個鐘頭 (或以上)入場啦。

鳥栖版主

日職波齡比較短,因受現場氣氛感染而愛上日職及鳥栖砂岩。希望能夠吸引更多朋友有興趣到日本現場看J League。有任何關於當地看J League的疑問也可以到Facebook找我!