[J League]到J-League官網買球賽門票教學

買日本波飛可以上網買或者係日本當地便利店禁機買,而因為我地住香港既關係,其實上網買就比較方便。首先就要到J League 官方購票網站https://www.jleague-ticket.jp/index 註冊按利用登錄黎註冊帳號。

如果覺得睇日文比較麻煩既話,其實版主都有代購服務,可以先到官網確認波飛售賣狀況再去Come2JP J League門票代購搵自己想買果場波落單等版主幫你代購。不過當然版主會收少少手續費。

註冊篇

 1

之後就打你既電郵地址,然後佢會寄封電郵過黎認證先可以繼續。

2

然後禁email入面既鏈結。

3

打齊資料,登錄球會無咩所謂,都可以買登錄球會以外既隊。

4

比較麻煩係片假名,可以到轉換網站轉換,注意名字唔好有空格。

5

下面住所同電話都可以亂填,格式可以參考佢果個例子,例如「0312345678」。住所注意數字英文字等資料要用全角填寫。
注意:電話號碼要由0字開頭。

6

最後確認登錄就可以。

7

購買篇

    註冊完首頁既左邊就有各隊J League球隊選擇。

版主就揀左鳥栖砂岩為例,就會顯示佢近期既賽事。有機會你想搵既比賽會搵唔到,因為可能仲未開售,可以到代購網站或者Facebook Page向版主詢問。注意球場細既球隊比較大機會賣哂,可以早點向版主查詢開售日期等版主代購或者自己係當日即時購買。今次就揀鳥栖今季主場尾場做例子,11/24鳥栖砂岩對橫濱水手既比賽。

之後就可以揀買咩位,有指定既姐係有劃位,其他就係自由席,需要現場到場再去霸位。
×代表完全冇位,Δ代表剩返少少飛,Ο代表仲有唔少飛。
講少少售賣情況啦,呢場10月13日朝早9點開賣,去到中午就賣哂SS指定席同S指定席。
所以有時想買呢類靚少少既位都記得捕住買呀,同埋早點買指定席既位會比較靚。

揀完位置再揀一般發售,之後就係會問你需唔需要揀位既畫面。上面係揀,下面係唔揀。
P.S. 發售初日頭一小時係未有得揀位住。

之後就揀張數,上面係大人票,下面係學生票,但係筆者係度帶返個頭盔先,筆者都未買過學生票,所以都唔敢肯定外國人既學生有冇問題,但安全起見至少要帶學生證明文件。

揀完再禁「購入手続きへ進む」後,就係比錢既畫面。上網買都係用信用卡比錢最方便,如果人在日本就可以直接係LAWSON買,可以參考呢篇。http://www.come2jp.com/blog/?p=1159 ,都比較建議揀返信用卡比錢同7-11拎飛。

之後再按下面入信用卡資料。

購買完成後會有13位「払込票番号」既數字係畫面,亦會收到封email有13位既數字,而呢個就係拎飛既number,去到日本後就可以去7-11拎飛!

有咩唔明白既地方歡迎到代購網站或者Facebook Page向版主查詢。

鳥栖版主

日職波齡比較短,因受現場氣氛感染而愛上日職及鳥栖砂岩。希望能夠吸引更多朋友有興趣到日本現場看J League。有任何關於當地看J League的疑問也可以到Facebook找我!

One thought on “[J League]到J-League官網買球賽門票教學