[J League]到J-League官網買球賽門票教學

之前已經講左買日本波飛可以上網買或者係Lawson禁機買,依家就會講埋另外一個方法。就係上網官方購票網站購買!若果想知點樣係Lawson部機買都無問題,可以參考另外一篇。[J League]買波飛教學。首先就要到J League 官網網站https://www.jleague-ticket.jp/index 註冊按利用登錄黎註冊帳號。

註冊

 1

之後就打你既email address,然後佢會寄封email過黎認證先可以繼續。

2

然後禁email入面既鏈結。

3

打齊資料,登錄球會無咩所謂,都可以買登錄球會以外既隊。

4

比較麻煩係片假名,可以到轉換網站轉換,注意名字唔好有空格。
不過填錯應該都無問題,最重要都係漢字填岩。

5

下面住所同電話都可以亂填,格式可以參考佢果個例子,住所注意要用全角填寫。
同埋本身預設左接收廣告訊息,唔收要禁返隔離。
注意:電話號碼要由0字開頭。

6

最後確認埋資料按登錄就得。

7

購買門票

    註冊完首頁既左邊就有今週比賽既門票,右邊就係以球隊黎買,今次會示範右邊。

8

筆者就揀左鳥栖砂岩為例,就會show佢近期既賽事。見到最近10/22 鳥栖作客柏雷素爾既比賽變左三角形,姐係剩返比較少飛。原因係柏雷素爾既主場都比較細,所以都較易被買爆,當中以球迷區最快會被買爆,所以想坐球迷區既朋友就最好穩陣d及早買飛。今次就揀第二場,10/29鳥栖砂岩對橫濱水手既比賽。

9

按一般發售果欄或者購入枚數選擇既按鈕。

10

之後就有位置揀,右邊更有指定席揀埋位既飛,不過就比較貴,都係會示範左邊。
×代表完全冇位,Δ代表剩返少少飛,Ο代表仲有唔少飛。

11

    按完位置後就會比你選擇枚數,上面係大人票,下面係學生票(有高中、初中同小學),但係筆者係度帶返個頭盔先,筆者都未買過學生票,所以都唔敢肯定外國人既學生有冇問題,但應該至少要帶學生證明文件。

12

正式購買前要確認多次密碼。

13

上網買都係用信用卡比錢最方便,如果人在日本先買可以直接係LAWSON買,可以參考呢篇。http://www.come2jp.com/blog/?p=1159

都比較建議揀第一個,信用卡比錢以及7-11拎,因為比較方便同7-11多鋪頭。

14

之後再按下面選擇用入信用卡資料。

15

最後輸入信用卡資料。

16

購買完成後應該會收到封email,裹面有13位數字比你去7-11拎飛,到時比個數字店員就得!

18

鳥栖版主

日職波齡比較短,因受現場氣氛感染而愛上日職及鳥栖砂岩。希望能夠吸引更多朋友有興趣到日本現場看J League。有任何關於當地看J League的疑問也可以到Facebook找我!

One thought on “[J League]到J-League官網買球賽門票教學